Justizia, Lan eta Gizarte Segurantza

Giza Eskubideen Zuzendaritza

Agindu honen helburua da Eusko Jaurlaritzak,
Justizia, Lan eta Gizarte Segurantza Sailaren bitartez,
2008ko ekitaldian emango dituen laguntzak arautzea,
betiere balio unibertsalen (hala nola, Bakea eta Giza
Eskubideak) aldeko ekimen eta jardueren gaineko proiektu
eta programak gauzatzeko laguntzak izanik.

Legez eratutako
pertsona juridiko pribatu eta irabazi-asmorik gabekoak,
baldin eta beren estatutuetan jasotakoaren arabera, haien
helburuak Bakea eta Giza Eskubideak lortzea badira,
eta helburu horiek lortzeko prozedurak baketsuak eta
demokratikoak badira.

1.– Diru-laguntzen programa honetara bideratutako
diru kopurua seiehun eta hirurogeita bi mila hirurehun
eta hogeita hiru (662.323,00) eurokoa da, Euskal Autonomia
Erkidegoko 2008. urterako Aurrekontu Orokorretan
aurreikusitako partidaren kargura.
2.– Diru-laguntzaren zenbatekoa finkatzeko, agindu
honen 6. artikuluan ezarritako irizpideak erabiliko dira,
eta aurkeztutako programa bakoitzean, onartutako aurrekontuaren
% 100 ere ordaindu ahal izango da.
3.– Emandako diru-laguntzaren guztizko zenbatekotik,
% 10 funtzionamenduko eta administrazioko
gastuetarako izan daiteke, baina soldatak eta ordainsariak
alde batera utzita, betiere programa garatzeko
ezinbestekoak ez badira eta Azalpen Memorian horrela
jasota ez badago.

Agindua, 2008ko maiatzaren 7koa

Laura Sagastizabal (tfnoa: 945-019089)

Behar bezala beteta eskabidea (I Eranskina) eta eskabidearekin batera agiri hauek:

a) Eskaera-orria sinatu duen pertsonaren nortasun
agiri nazionalaren, NANaren, fotokopia.
b) Ordezkari gisa eskatuz gero, ordezkaritza hori
egiaztatzen duen agiria; edo entitatean agintea duen
organoak egindako egiaztagiria, izenpetzaileak entitate
horren izenean jarduteko daukan gaitasuna egiaztatzeko.
Aurreko deialdietan diru-laguntza jaso bada, ez dira
dokumentu horiek aurkeztu beharrik, baldin eta erabat
indarrean badaude eta horien edukia aldatu ez bada;
esanbidez adierazi behar da hori guztia.
c) Identifikazio fiskaleko kodearen fotokopia, baita
Eratze Aktarena, Estatutuena eta dagokion Erregistroko
inskripzioarena ere. Aurreko ekitaldiko deialdi berean
diru-laguntza jaso bada, ez dira dokumentu horiek aurkeztu
beharrik, baldin eta erabat indarrean badaude eta
horien edukia aldatu ez bada; esanbidez adierazi behar
da hori guztia.
d) Zerga-betebeharrak beteta dituela egiaztatzen
duten egiaztagiri eguneratuak, gehienez, eskaera-data
baino hiru hilabete aurretik emandakoak; bata Foru
Ogasunarena, eta bestea, hala dagokionean, Gizarte
Segurantzako Lurralde Diruzaintzarena, Gizarte Segurantzarekiko
betebeharrei buruzkoa. Nolanahi ere, diru-
laguntza emateko, egiaztatzeko eta ordaintzeko fase
guztietan gai horri buruz eskatzen zaizkion egiaztagiri
guztiak aurkeztu beharko ditu onuradurak

e) 2007ko diru-sarreren eta gastuen laburpena, eta
beste administrazio edo erakunde publiko nahiz pribatutatik
jasotako laguntzak esanbidez aipatu behar dira.
f ) Proiektuaren memoria zehaztua; bertan honako
hauek zehaztu beharko dira: helburua, metodologia,
diru-laguntzaren hartzaile izan daitezkeenak, betiere sexuaren,
lurralde-eremuaren eta egingo diren jardueren
gauzatze-egutegiaren arabera banatuta; genero-ikuspegia
nola hartuko den kontuan ere adierazi behar da.
Memoria horretan, eskatzaileak Proiektuari dagokion
eremuan duen esperientzia egiaztatu behar da.
g) Proiektu hori gauzatzeak eragingo duen kostuaren
aurrekontua, partiden arabera banakatua; bertan,
proiektua finantzatzeko gainerako bideak, baleude,
zehaztuko dira (II. eranskina), edo bestela, Proiektua
finantzatzeko berezko nahiz kanpoko beste baliabiderik
ez dagoela dioen zinpeko adierazpena.
h) Diruz laguntzeko eskatzen den jarduera berarako
eskatutako beste edozein diru-laguntzaren zerrenda
(II. eranskina), bertan bereziki aipatu beharko da zein
administraziori edo erakunde publiko nahiz pribaturi
eskatu zaizkien diru-laguntza horiek, baita eskaeren
egoera ere (ukatu diren, ebazteke dauden eta onartutako
zenbatekoak). Horrelakorik egon ezean, zinpeko
aitorpena aurkeztu beharko da, honako hau zehaztuz:
diru-laguntza jasotzeko aurkeztutako programetarako
ez duela beste inongo laguntzarik eskatu.
i) Proiektua gauzatzeko erakunde eskatzaileak dituen
baliabide materialak eta giza baliabideak adierazi
beharko dira; horretaz gain, honako hauek ere adierazi
beharko dira: alde batetik, erakundeak ba ote duen berdintasunaren
alorrean trebatuta dauden edota ibilbidea
duten pertsonarik; eta, beste alde batetik, boluntario
gisa jarduten duten pertsonen kopurua. Inolako ordainsaririk
gabe Proiektuan lagundu dutenak hartzen
dira boluntariotzat.
j) Agindu honen III. eranskinean azaltzen den dokumentuaren
bi ale original, dagokion banku-erakundeak
eta eskatzaileak behar bezala zigilatuak eta sinatuak.
k) I. eranskinean agertzen den arduradunaren adierazpena,
entitate eskatzailea diru-laguntza eta laguntza
publikoak jasotzeko debekuren baten pean ez dagoela
adierazten duena (otsailaren 18ko 4/2005 Legean eta
azaroaren 11ko 1/1997 Legegintza Dekretuak onartutako
Euskal Herriko Herriogasuntza Nagusiaren
Antolarauei buruzko Legearen Testu Bateginaren 50.5
artikuluan jasotakoaren ondorioz).

3.– Era berean, programa edo jarduera hobeto balioesteko
eskatzaileek egokitzat jotzen duten beste edozein
dokumentazio osagarri ere aurkeztu ahal izango da.

4.– Jarduerak gauzatuta baldin badaude, egindako
gastuak justifikatzeko behar diren dokumentu guztiak
aurkeztu beharko dira, Agindu honetan eskatzen den moduan

5.– Espedientea behar bezala osatzeko egokitzat
hartzen dituen dokumentuak eta azalpenak eska diezazkioke
Giza Baliabideetako Zuzendaritzak eskatzaileari.
Gainera, eskatzaileak emandako datuak ere egiaztatu
ahal izango ditu.

2008/06/07 - 2008/07/07

Eusko Jaurlaritzaren Justizia, Lan eta Gizarte Segurantza
Saileko Giza Eskubideen Zuzendaritzan aurkeztu
beharko dituzte (Donostia-San Sebastián kalea 1,
01010 Vitoria-Gasteiz), nahiz pertsonalki nahiz Herri
Administrazioen Araubide Juridikoaren eta Administrazio
Prozedura Erkidearen azaroaren 26ko 30/1992
Legearen 38.4 artikuluan aurreikusitako bideetako bat
erabiliz. Lege hori urtarrilaren 13ko 4/1999 Legearen
bidez aldatu zen.

Eskaeran egindako akatsak zuzentzea.

Eskatzaileek aurkeztutako dokumentazioa aztertu
ostean, osatu gabea dagoela edo daturen bat falta dela
iritzi badio Giza Eskubideen Zuzendaritzak, gehienez
ere 10 eguneko epea emango die eskatzaileei atzemandako
akatsak zuzentzeko; horretaz gain, adieraziko zaie
eskatutakoa betetzen ez bada eskaera atzera egintzat
hartuko dela, azaroaren 26ko 30/1992 Legearen 71.
artikuluan ezarritakorekin bat etorriz. Lege hori urtarrilaren
13ko 4/1999 Legearen bidez aldatu zen.

Giza Eskubideen Zuzendaria

Agindu honen babesean aurkeztutako eskaerak
ebazteko eta jakinarazteko gehieneko epea lau hilabetekoa
izango da, Agindu hau argitaratu eta hurrengo egunetik
aurrera zenbatzen hasita.

Isilbidearen Ondorioak

Ezespenezkoak

Ebazpenak ez du administrazio bidea agortzen

Gorako errekurtsoa

Ikusi 2008ko maiatzaren 7ko aginduaren eranskinak

ikusi eranskinak (doc ; 109 kb)

Ez daude

Ez daude

Informazio hau orientagarri gisa bakarrik ematen da eta, beraz, honek ez ditu ordezkatzen ezta aldatzen ere prozedura administratiboak erregulatzen dituzten xedapen arautzaileak, eta, ondorioz, ezin ditu sortu berariazko Araudian jasota ez dauden eskubideak edota betebeharrak.