Datuak Babesteko Euskal Bulegoa eta Hezkuntza, Unibertsitate eta Ikerketa Saila elkarlanean aritu dira Oinarrizko Hezkuntzako Euskal Curriculumaren hobekuntzan, ekarpenak eginez nerabeen eta gazteen prestakuntza hobetzeko, informazioaren eta komunikazioaren teknologia berriak eguneroko bizitzan erabil ditzaten ahalik eta arrisku gutxienarekin alor pribatuan.

Datuak Babesteko Euskal Bulegoak lortu behar den jarrera berri baten deskribapena proposatu zuen, datu pertsonalak babesteko oinarrizko eskubidearekin zerikusia duena. Jarrera berri hau honela definitu daiteke: "norberari eta besteei buruzko informazioa bizitza pribaturako eskubidearekiko errespetuz tratatzea, bai eta kontu handiz tratatzea ere Internetek eta bitarteko elektronikoen komunikazioak dauzkan arrisku potentzialak kontuan hartuta".