DBEBko zuzendariak parte hartu zuen Datu Babesaren Europako Agintaritzen 2008ko Udaberriko Konferentzian
Apirilaren 17an eta 18an Datu Babesaren Europako Agintaritzen 2008ko Udaberriko Konferentzia egin zen Erroman izenburu honekin: Pribatutasunaren ikuspegia Europan eta harantzago.
Jardunaldietan pribatutasunaren hainbat ikuspegi aztertu ziren, segurtasunaren, negozioen eta teknologia berrien eremuekin duen harremana kontuan hartuta.
DBEB / DBEB
Konferentziak adierazpen bat adostu zuen. Hona hemen punturik aipagarrienak:
Egungo komunikabideek erakusten dutenez, Schengenen eremuan sartzen diren edo bertatik irteten diren pertsonak erabat kontrolatzeko joera dagoela, haien nazionalitatea kontuan hartu gabe.
Mugak kontrolatzea beharrezkoa bada ere, ez da bidezkoa bidaiarien eskubidea eta askatasuna neurririk gabe urratzea, batez ere haien pribatutasunerako eskubidea.
Bidaiariak miatzea eta monitorizatzea arrazoituta egon behar du, eta ez da onartu behar irizpide orokor bezala.
Oso jarduera desegokia da laginketa teknikak erabiltzea bidaiariak kontrolatzeko, hau da, “fede oneko” bidaiariak ausaz hautatzea eta isolatzea.
Egun erabiltzen diren kontrol sistemak egokiak diren ala ez neurtzeko azterketarik ez da egin, eta mugak kontrolatzeko sistema osagarri berriak ezartzeko
