Saguari klik bat egin eta atzo italiar guztiek jakin zezaketen zenbat diru irabazten zuten haien auzokideek, etsaiek edo gogokoen zuten telebistako izarrek.

Ordu gutxi behar izan ziren Zerga Agentziaren webak gainezka egiteko, eta Pribatutasuna Babesteko Agentziak web orri ixteko agindu zuen.

Atzo komunikabideak lehian aritu ziren ea nork lortzen zituen ahalik eta pertsona ospetsu gehienen datuak. Beste askok kuriositate hutsez edo aitortu ezin diren asmoekin atzitu zituzten.

Oraintsu arte Ekonomia ministro ordea izan den Vicenzo Visco ekimenaren alde agertu zen: “Gardentasun neurri bat da, demokrazia neurri bat” esan zuen atzo, “ez diot arazorik ikusten”. Bukatzeko, zera esan zuen: ekimena prest zegoela urtarriletik, baina hauteskunde kanpainan arazorik egon ez zedin, zerrendak beranduago argitaratzeko eskatu zuela.

Interesdunen, hau da, herritar guztien erreakzioa berehalakoa izan zen.