Nazioarteko konferentzian datu babesaren arloko mundu osoko agintaritzak, erakundeak eta adituak biltzen dira. Edizio honetan honako gaiak aztertuko dira besteak beste: informazioaren teknologiek pribatutasunean duten eragina; adin txikikoen hezkuntza; datuen babesa enpresaren esparruan eta pribatutasunaren eta segurtasunaren arteko harremana.
Laneko bileraren helburua izan da udazkenean Madrilen egingo den Nazioarteko Konferentzian onartuko duten Pribatutasuna eta datu pertsonalak babesteko nazioarteko estandarrei buruzko dokumentua prestatzea.
Bilboko udaleko alkateorde Ibon Areso jaunak egin zien ongietorria bertaratutako guztiei eta segidan Datuak Babesteko Euskal Bulegoaren zuzendari Iñaki Vicuña jaunak eta Datuak Babesteko Espainiako Agentziaren zuzendari Artemi Rallo jaunak hartu zuten hitza hurrenez hurren. Lehenak ekitaldia aurkeztu zuen eta bigarrenak lan saioa koordinatzeko ardura izan zuen. Azkenik, Justizia eta Herri Administrazio sailburuorde Amaia Ortiz andrea arduratu zen bilera amaitzeko itxiera ekitaldiaz. Bilera honako herrialdeetako ordezkariak egon ziren: Frantzia, Alemania, Erresuma Batua, Irlanda, Portugal, Italia, Txekiar Errepublika, Belgika, Espainia, Estatu Batuak, Israel, Burkina Faso eta abar.
|
